Ака уйăхĕн 21-мĕшĕнче Хĕрлĕ Чутай вăтам шкулĕнче И.Я.Яковлев çуралнăранпа 175 çул çитнине тата Чăваш чĕлхи кунне халалланă «И.Я.Яковлев – халăх чĕринче» ăслăлăхпа практика конференцийĕ иртрĕ.

Конференцире пурĕ пилĕк секци ĕçлерĕ. Жюри пайташĕсем секцири ачасен пултарулăхне ÿсĕмсем тăрăх хакларĕç.

 «Аслă вĕрентекенĕмĕр ячĕ ĕмĕрлĕхе асăмăрта» пултаруллă вулакансен секцийĕнче чăваш çыравçисен И.Я.Яковлева халалланă сăввисене илемлĕ каласа 14 вĕренекен хушшинче 3-мĕш вырăна Марина Нагорова, Хусанушкăнь шкулĕнче 8-мĕш класра вӗренекен, тухрĕ, Кристина Васильева сертификат илчӗ.

И.Я.Яковлев калавĕсем тăрăх тунă буктрейлерсен хăтлавĕн секцийĕнче пултарулăхне кăтартнă 7 вĕренекен хушшинче Марина Нагорова 3-мĕш вырăн йышăнма пултарчё.

Ăслăлăхпа практика конференцийĕ пурин кӑмӑлне те кайрӗ. Чӑваш чӗлхипе литературине кăмăлласа вĕренекенсем пĕр-пĕрин умĕнче тухса калаçни, хăйсен пултарулăхĕпе паллаштарни пурин чунĕнче те хавхалану туйăмĕ çуратрĕ. Ăсталăха ÿстерес тесен кашни шкул ачиех хăйĕн çул-йĕрне тупма пултарать иккен.

Асăннă мероприятие ачасене хатӗрленме пулăшакансем – чăваш  чĕлхи тата литература вĕрентекенĕсем Марина Петрова тата Анжела Осипова.