Вĕренÿ институчĕ кăçал пĕрремĕш хут «Несĕл эткерлехĕ» конкурс ирттерчĕ. Конкурсăн тĕп тĕллевĕ – чăваш халăхĕн культурине çемьере тытса пырасси, йăли-йĕркине, ăсталăхне упраса хăварасси.

    Конкурса чăвашлăха упракан 25 çемье хутшăннă. Конкурса тăратнă ĕçсенчен тăххăрăшĕ «Эпир – туслă кил-йыш» номинаципе, тепĕр тăххăрăшĕ – «Пирĕн тăван кĕтес» номинаципе, виççĕшĕ – «Эпир тăван халăхăмăрăн йăли-йĕркисене кил-йышра тытса пыратпăр!» номинаципе, тăваттăшĕ – «Ĕмĕр-ĕмĕр янра эс, тăван чĕлхем» номинаципе пулнă.

   Видеороликсенче конкурсантсем çемьен пурнăçне, кил-йыш тĕп вырăна мĕне хунине, наци традицийĕн, культурин уйрăмлăхĕсене уçса пачĕç, тăван ялăн, хулан, республикăн паллă вырăнĕсем çинчен каласа панă.

    Жюри членĕсем кашни ĕçпех тимлĕ паллашса 6 çĕнтерÿçĕпе 14 призёра палăртнă.

   Çĕнтерÿçĕсен списокĕнче Хусанушкăнь шкулӗн 1-мӗш класс вӗренекенӗ Нагорова Татьяна – «Туслă йыш» ӗҫӗпе «Эпир – туслă кил-йыш» номинаци  призёрӗ (ертӳҫи – В.А.Нагорова учитель). 

    Конкурс  призёрӗпе унăн ертӳҫине саламлатпăр. Ĕçре, вĕренÿре ăнăçу сунатпăр!